Kooxda Xamaas ayaa maanta weerar u muuqday kuwa qorshaysan oo lahaa labo weji ku qaaday Israiil kaasoo dhimashada iyo dhaawaca dad badan, iyadoo caalamku la yaaban yahay sida Sirdoonka Israel uu uga warqabi waayey weerarkan .
Weerarkan oo ahaa mid la yaab leh ayaa waxaa uu kadis ku noqday Israa’iil, waxaan hal mar wada dhawaaqay qalabka bixiya digniinada.
Israa’iil ayaa leh mid ka mid ah shabakadaha sirdoon ee ugu ballaaran uguna casrisan Bariga Dhexe, gudaha iyo dibaddaba.
Waxay leedahay shaqsiyaad sirdoon oo wararka u soo gudbiya isla markaana ku dhex jira kooxaha xagjirka ah maahan dhulka falastiiniyiinta oo keliya laakiin Lubnaan, Suuriya iyo meelo kale.
Waxaa horey sirdoonkooda ugu suurtagashay inay dilaan hoggaamiyeyaasha kooxaha falastiiniyiinta iyadoo la adeegsanayo duqeymo diyaaradaha aan duuliyaha lahayn ama xitaa taleefoonnada gacanta.
Balse maanta, dhammaadka fasaxa Yuhuudda, waxay u muuqataa in lagu qabtay hurdadii oo la gaaday.
Xamas waxay awoodday in ay qorsheeyso oo ay fuliso weerarkan sida taxadarka leh loo agaasimay ee ay u muuqato in Israel ay ka war heli waysay.
Inkastoo ay iska caddahay in Israa’iil ay qaadi doonto weerar culus oo aargoosi ah, hadana waxaa taalla su’aasha ah sababta sirdoonkoodu ay ugu guuldareysteen inay ogaadaan weerarkan isla markana aysan digniin u bixin.
