Madaxweynaha SSC-khaatumo Cabdiqaadir Axmed Awcali (Firdhiye) iyo wafdi uu horkacayo ayaa jimcaha maanta ah ku soo wajahan magaalada Muqdisho caasimada Somalia.
Ra’iisul wasaaraha Xukuumadda Federaalka Soomaaliya Xamse Cabdi Barre ayaa la sheegay inuu magaalada Muqdisho ku casumay Hoggaamiye Firdhiye sida ay xaqiijinayaan warar lagu kalsoon yahay.
Hoggaamiye Cabdulqaadir Firdhiye ayaa la kulmaya Madaxda dowladda Federaalka iyo sidoo kale Beesha Caalamka gaar ahaanna Hay’daha Qaramada Midoobay iyo Deeq-bixiyaasha ku sugan Muqdisho.
Dhinacyada ayaa la filayaa inuu kala hadlo Arrimaha Mashaariicda Horumarinta iyo Gargaarka bini’aadanimo isla markaana uu ka dalbado Hay’adaha kala duwan in ay ka hawl-galaan Gobollada SSC-Khaatumo.
