Xafiiska Hantdhowrka Guud ee Jamhuuriyadda Federaalka Soomaaliya ayaa qoraal uusoo saaray ku wargeliyay shirkadaha ku hawlan dhoofinta, qodista iyo buruburinta agabka warshadaha dalka in ay si degdeg ah u joojiyaan.
Qoraalka kasoo baxay xafiiska Hantidhowraha Qaranka ayaa lagu sheegay in ay jiraan shirkado iyo shaqsiyaad ka ganacsadaha biraha duuga, oo la sheegay in ay bilaabeen qodista dhulka hoostiisa iyo sidoo kale xarumaha warshadihii hore ee dalka.
Hantidhowrka Qaranka ayaana amray in la joojiyo dhoofinta iyo qodista biraha, waxa ayna ku wargaliyeen shirkadaha dhoofiya biraha duuga ah in aysan fasax u heysan qodista iyo qaadshada qalabka yaala xarumaha warshadaha dalka.
