Ra’iisul Wasaare Ku-xigeenka Xukuumadda Federaalka Soomaaliya Mudane Saalax Axmed Jaamac ayaa ka furay magaalada Baydhabo ee xarunta gobolka Baay Shirka Madasha isku-duwidda arrimaha bini’aadanimada.
Shirkan oo ay ka soo qayb galeen xubno ka socday dowladda dhexe ee Federaalka, dowlad goboleedyada dalka iyo saaxiibbada caalamiga ah, ayaa looga arrinsanayay xaaladda bini’aadanimo ee dalka ka jira.
Waxaa sidoo kale shirkan inta uu socdo looga hadli doonaa sidii loogu diyaar garoobi lahaa fatahaado iyo roob duufaanno wata oo la sheegay in ay kusoo wajahan yihiin meelo kamid ah dalkeena.
Dowladda Soomaaliya ayaana dhawaanahan soo saareysay digniino la xariira roobab wata dabeylo xoogan oo ka da’a qeybo kamid ah Soomaaliya, kuwaa oo laga cabsi qabo in ay waxyeelo xooggan geestaan.
