Allaha u naxariistee waxaa saakay isbitaalka Digfeer ee magaalada Muqdisho ku geeriyooday Cali Ugaas Cabdulle oo ahaa siyaasi rug caddaa ah, oo xilal kala duwan kasoo qabtay dowladihii dalka soo maray.
Siyaasigan geeriyooday ayaa eheladiisa sheegeen in muddooyinkii dambe uu xanuunsanaa, waxaana saakay uu ku geeriyooday isbitaalka Digfeer ee Muqdisho oo xaaladiisa caafimaad lagula tacaalayay
Cali Ugaas Cabdulle ayaa soo noqday Duqa magaalada Muqdisho sanadihii 1987-1990- xilligii dowladdii Kacaanka ee Maxamed Siyaad Barre, waxa uu sidoo kale soo noqday Safiirka Talyaaniga u jooga Soomaaliya sannadkii 2005, xilligii dowladdii KMG.
Geerida siyaasigan waxaa siyaabo kala duwan uga tacsiyadeeyay madax kala duwan oo xilal haya iyo kuwa xilal soo qabtay, waxa ayna ku sifeeyeen in uu ahaa nin nabadoon ah oo dalka iyo dadka Soomaaliyeed usoo adeegay.
