Ciidamada Amniga Degmada Doolow ee gobolka Gedo ayaa sheegay iney fashiliyeen gaari laga soo buuxiyey waxyabaaha Qarxa oo la doonayey in degmadaas weerar looga geysto.
Guddoomiyaha Degmada Doolow Maxamed Xuseen Cabdi ayaa uga mahadceliyey ciidanka Amniga shaqada adag ee ay bulshada u hayaan iyo fashilinta wax uu ugu yeeray dhagarta Khawaarijta.
Guddoomiyaha ayaa kula dardaarmay ciidamada ammaanka in la joogteeyo shaqada adag isla markaana ay muujiyaan howlkarnimo iyo feejinnaan dheeraad ah.
Gaariga ayaa gudihiisa waxaa laga helay caagag ay ka buuxan budada qaraxyada, rasaas iyo waxyaabo kale, welina ma cadda halka loo waday gaarigan.
