Xafiiska Xeer Ilaaliyaha Guud ee Qaranka ayaa racfaan ka qaatay xukunnadii kala duwanaa ee Khamiistii lagu riday masuuliyiin iyo saraakiil katirsan dowladda oo lagu eedeeyay in ay ku kaceen falal la xiriira musuq maasuq iyo wax isdaba marin.
Qoraal kasoo baxay xafiiska Xeer Ilaaliyaha guud ee Qaranka ayaa lagu sheegay in racfaan ka qaateen xukunnadii ay riday maxkamadda gobolka Banaadir, waxa ayna xeer ilaalinta sheegtay in ay dhameystirtay habraaca racfaan qaadasha.
Maxkamadda gobolka Banaadir ayaa khamiistii xukunno xabsi kala duwan ku riday lix masuul oo lagu helay in ay galeen dambiyo kala duwan oo musuq maasuq ah, halka ay dambi ku weysay shan maxbuus kale ,kuwaa oo ay ammartay in lasii daayo.
Masuuliyiintii la amray in lasii daayo ayaa wali ku jira xabsiga, waxaana la sheegay in xafiiska xeer ilaalinta iyo masuuliyiin kale oo katirsan dowladda aysan ku qanacsaneyn in dambi lagu waayo qaar kamid ah masuuliyiintii lasoo eedeeyay.
