Sargaal sare oo ka socday wasaaradda arrimaha gudaha dowladda Turkiga oo lagu magacaabo Mr. Hüseyin Ediz Tercanoğlu, , ahna La-taliye sare ayaa maanta kormeer ku tegay xarunta ciidanka Haramcad Ee Gen. Farxaan Qaroole.
Hüseyin Ediz Tercanoğlu oo horey u soo noqday madaxa tababarada ciidanka gaarka ah ee Haramcad ee Tukisom qeybteeda Soomaaliya,ayaa booqashadiisa ay dhiirrigelin u ahayd ciidanka Haramcad oo ay ka dhexeyso wada shaqayn muddo so jirtay.
Sargaalkan ayaa kulan la qaatay taliyaha ciidanka booliska gaarka ah ee Haramcad G/Le Abdihamiid Abdullahi Faanax iyo saraakiisha kale booliiska Haramcad ee xarunta ku sugnaa, kuna ammaanay howlaha nafhuridda leh ee ay u hayaan shacabka Soomaaliyeed.
Ujeedka booqashada sargaalkan ayaa ahayd kormeeridda iyo u kuurgalidda ciidanka Haramcad oo ay dowladda Turkigu tababarto, si gaar ahna ay ula socoto howlgalladooda, waxaana ay ku dhiirrigeliyeen dadaalladooda iyo doorka muuqda ee ay ku leeyihiin sugidda amniga caasimadda.
Ciidamada Haramcad ayaa kamid ah ciidamada sida gaarka ah dowladda Turkiga ugu tababartay Soomaaliya, waxa ayna Turkiga ciidankan siiyaan taageero, iyagoona si gaar ah ula socda ciidankan iyo kuwa kal ee milatariga ee Gorgor.
