Waxaa soo baxaya faahfaahino ku saabsan khasaaraha ka dhashay Qarax ismiidaamin ah oo ka dhacay bartamaha degmada Buulo burde ee gobolka Hiiraan.
Qaraxa ayaa loo adeegsaday gaari waxyaabaha qarax laga soo buuxiyey ayaa ka dhacay Suuqa bartamaha Magaalada, khasaare lixada leh ayaana ka dhashay.
Dad goob-joogayaal ah ayaa sheegay in ay arkeen meydadka ilaa 9 qof iyo dhaawaca dhowr iyo toban kale, waxaana jira warar khasaaraha intaas ka badinaya
Dhaawacyada ayaa qaarkood loo soo qaaday magaalada Muqdisho halkaasoo lagu daweynayo ka dib markii ay dayuurad u dirtay DF.
Dadka dhintay ayaa la sheegay in ay ku jireen wiil iyo gabar walaalo ahaa iyo sidoo kale nin dhaqtar ka ahaa magaalada.
Ilaa hadda macadda cida bartilmaameedku ahaa, inkastoo ciidamada ammaanka ay rasaas ku fureen gaariga qarxay markii uu bartamaha magaalada soo galayay.
Qaraxa ayaa burbur xoog leh gaar siyay dhismayaal goobta ka ag dhawaa.
Qaraxan ayaa ku soo beegmaya todobaad kadib markii Baledweyn sidan oo kale gaari walxaha qarxa lagu soo raray oo aad u cuslaa uu ku qarxay bar kontrool oo la yirahdo horseed waxaana lagu dilay dad kabadan 30 qof laguna dhaawacay afartan kale.
