Wafdi u hoggaaminayo ku simaha Ra’iisul Wasaaraha ahna Ra’iisul Wasaare ku-xigeenka XFS mudane Saalax Axmed Jaamac ayaa gaaray Magaalada Dhuusamareeb ee xarunta dowlad goboleedka Galmudug.
Waxaa garoonka diyaaradaha Ugaas Nuur ku soo dhaweeyay Madaxweyne ku xigeenka Galmudug Cali Daahir Ciid iyo masuuliyiin kale oo dowladeed.
Wafdiga Ra’isul Wasaaraha ayaa waxaa ka mid ahaa Wasiirka Maaliyadda Biixi Iimaan Cige, Wasiiru Dowlaha Xafiiska Ra’iisul Wasaaraha Xirsi Gini, La taliyaha Amniga Ra’iisul wasaaraha mudane Kamaal Guutaale iyo Mas’uuliyiin kale.
Wafdigan ayaa kulamo kala duwan la qadan doona Madaxweynaha Qaranka Xassan Shiikh Max’uud iyo Madaxda Galmudug.
