Allbanaadir.com
MUQDISHONEWS

Faahfaahin: Dagaal Al-shabaab iyo Macawisley ku dhexmaray degaanka Aboorey

Waxaa soo baxaya faahfaahino ku saabsan weerar qorsheysan oo Al-Shabaab ay ku soo qaaday xalay saqdii dhexe fariisin ciidamada Macawisley ku leeyihiin degaanka Aboorey ee bariga gobolka Hiiraan halkaasoo la sheegay in labada dhinac uu ku dhexmaray dagaal faraha looga gubtay.

Shabaabka weerarka ku qaaday deegaanka Aboorey ayaa la tilmaamay iney  kasoo gudbeen Wabiga Shabeelle oo kala qeybiya Bariga iyo Galbeedka Hiiraan.

Dagaalka ku dhexmaray ciidanka deegaanka iyo kooxda Al-shabaab degaanka Aboorey ayaa socday ku dhawaad hal saac, kaasoo labada dhinac ay isku adeegsadeen hubka noocyadiisa kala duwan.

Dadka deegaanka ayaa warbaahinta u sheegay in dagaalka xalay ka dhacay Aboorey khasaare badan lagu gaarsiiyay kooxda Al-shabaab, isla markaana looga dilay weerarkaas ay 8 dagaalyahan.

Bariga gobolka Hiiraan ayaa bilo ka hor laga xoreeyay kooxda Al-shabaab, kuwaasoo haatan weeraro dhuumaleysi ah ku soo qaada deegaanadii laga saaray iyagoo ka soo talaabada webiga shabelle ee kala qeybiya bariga iyo galbeedka gobolka Hiiraan.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Xubnihii ugu badnaa ee ka soo goostay Al-Shabaab oo lagu soo bandhigay.. (Sawirro)

Caydiid Ali

Ciidanka NISA oo gacanta ku dhigay abwaan kale oo taageeray Al-shabaab

Caydiid Ali

Wariye Caan ah iyo Qaar kamid ah Shaqaalaha Universal oo ku geeriyooday Qaraxyadii Muqdisho

Cabdi Cade
Taboola Ads ---