Wasiirka Arimaha Gudaha, Kalluumaysiga, Xildhibaano ka Tirsan DFS iyo Galmudug iyo Masuuliyiin kale ayaa kormeer Dhiirigalin ah ugu tagay Ciidamada xoogga dalka ee Al-shabaab kula dagaalamaya duleedka degaanka Shabeellow ee koonfurta Gobolka Mudug.
Masuuliyiintan heer Federaal iyo Heer Dowlad Goboleed ayaa saraakiisha ciidamada la qaatay kulan Saacado qaatay kaasoo lagu gorfeeyey dagaalka lagula jiro Argagixisada, muddada loo qorsheeyey in degaanada Galmudug looga Ciribtiro, iyadoo ciidamada iyo Saraakiisha Hogaamineysa looga mahadceliyay jabkii ay gaarsiiyeenal-shabaab.
Howlgalka ka socda Koonfurta Gobolka Mudug ayaa laga gaaray guulo ballaaran iyadoo laga xoreeyey degaano badan oo ka tirsan koonfurta Mudug.
Ciidamada huwanta ayaa haatan ku wajahan degaanka Caad oo ka mid ah degaano kooban oo gobolada dhexe ay ka joogaan Al-shabaab.
