Kusimaha Madaxweynaha ahna Madaxweyne kuxigeen maamulka Galmudug Mudane Ali Dahir Eid ayaa Shir guddoomiyay shir lagu dardar-galinayay howlgalada ka dhanka ah kooxda Al Shabaab ee ku sugan qaybo ka mid ah Galmudug.
Shirkaan oo ay ka so qaybgaleen Wasiir kuxigeenka Amniga Galmudug ,saraakisha ciidamada kala duwan ee Qaranka iyo kuwa Galmudug ayaa lagu so dhaweyay hormarada Ciidamada Xoogga , Darwiishta Galmudug iyo Ciidanka Deeganka ay ka sameyeen Dagaalada ka dhanka ah Al Shabaab.
Madaxweyne kuxigeenka Galmudug oo shirkaan ka hadlay ayaa waxaa uu sheegay in Al Shabaab si xun loogu jabiyay Dagaalladii ugu danbeyay ee Galmudug ka dhacay, waxana u faray ciidamada in ay sii laba jibaaran sifaynta Al Shabaab.
Ugu Danbeyn Shirkaan ka dhacay magaalada Dhuusomareeb ee caasimadda maamulka Galmudug ayaa lagu kala qaatay awaamiir horleh oo sare logu qaadaayo amniga deegaannada uu gacanta ku hayo maamulka Galmudug.
