Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa xarunta Qaramada Midoobay ee New York kulan kula qaatay Xoghayaha Guud ee Qaramada Midoobay Antonio Guterres.
Ra’iisul Wasaaraha Soomaaliya iyo xoghayaha Qaramada Midoobay ayaa ka wada hadlay xoojinta xiriirka iyo wadashaqeynta u dhaxeysa hey’adaha Qaramada Midoobay iyo Soomaaliya.
Labada masuul ayaa si gaar ah iskula soo qaaday sidii la isaga kaashan lahaa wax ka qabashada arrimaha muhiimka ah sida amniga, nabadda, horumarinta, isbeddelka cimillada iyo hiigsiga yoolasha horumarka waara.
Ra’isul Wasaaraha xukuumadda Soomaaliya oo ka qeyb galaya shirka golaha guud ee Qaramada Midoobay ayaa siyaabo kala duwan ula kulmay madax kala duwan oo shirka ka qeyb galeysa.
