Golaha Midowga Europe waxay maanta oo Jimco ah shaaciyeen inay Dowladda Tunisia ugu deeqeen Labo Xirmo Lacageed oo wadar ahaan dhan 127 milyan oo Dollar.
60 milyan oo Dollar waxaa loo qoondeeyey Taageerada Miisaaniyada (Budget support), halka 67 milyan oo kalena lagu Taageerayo Fulinta Is-Faham u dhexeeya Midowga Europe iyo Dowladda Tunisia (the implementation of the memorandum of understanding ).
Afhayeenada Golaha Europe, Ana Pisonero ayaa sheegtay in Taageerada Xirmada Koowaad ee Taageerada dalka Tunisia uu noqon doono Qandaraas oo degdeg loo bixin doono, iyadoo Asaas looga dhigayo Iskaashiga dhow ee labada dhinac ee La-dagaalanka Shabakadaha Tahriibinta Sharci-darada ah.
Dowladda Talyaaniga ayaa door muhiim ah ka qaadatay meel-marinta Heshiiska Is-Fahamka ee Midowga Europe iyo Dowladda Tunisia, si Kharajkaasi loogu bedesho Xakameynta Qulqulka Muhaajiriinta ka shiraacda Xeebaha dalka Tunisia, una soo tahriiba Jesiirada Lampedusa ee dalka Talyaaniga.
