Allbanaadir.com
MUQDISHONEWS

Madaale & Xildhibaano ka tirsan BFS oo gaaray degaanka Daaru-nicma (Sawirro)

Guddoomiyaha Gobalka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo ay wehliyaan Xildhibaano ka tirsan BFS, kan Maamulka Hirshabelle, Saraakiil iyo Mas’uuliyiin kale ayaa gaaray Degaanka Daaru-nicma ee Gobalka Shabeelaha dhexe.

Degaankan ayaa ka mid ah degaanada istiraatiijiga ah ahaa ee laga saaray al-shabaab bilihii la soo dhaafay, iyadoo Al-shabaab ay marar badan weeraro ku soo qaaday.

Masuuliyiinta ayaa deegaanka Daaru-Nicma ee hoostagta Degmada Ruunirgood ee Gobolka Shabeelaha Dhexe u tagay sidii ay ugu kuurgali lahaayeen xaaladaha Nololeed iyo Amni.

Waxay goob fagaare ah kula hadleen Ciidamada Xooga dalka iyo kuwa difaaca shacabka ee howlgallada sifeynta ka wada degaanadaasi.

Guddoomiyaha ayaa ciidanka qaranka iyo dadka deegaankaasi ku dhiirgaliyay sida naf hurnimada leh ee ay had iyo jeer ugu taagan yihiin la dagaalanka Al-shabaab.

Madaale ayaa ku amaanay ciidanka Qaranka, kuwa deegaanka iyo dadka kale sida geesinimada leh ee ay uga hortageen Al-Shabaab, isagoo kula dardaarmay iney difaacdaan degaanadooda.

Related posts

Xildhibaan Jeesow oo si ka duwan sidii looga bartay uga hadlay Kiiska Dilka Ikran Tahliil

Cabdi Cade

Wasiiradii Dhaqanka dowlada Baxreyn oo sabab yaab leh xilka looga qaaaday

Caydiid Ali

Dil loo geysatay Xildhibaan Baarlamaan & dabley ka dambeysay oo la baadi goobayo

Caydiid Ali
Taboola Ads ---