Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa xalay kulan wadatashi ah Magaalada Dhusamareeb kula qaatay guddoonka iyo Xildhibaanada BFS, siyaasiyiin iyo saraakiil ka tirsan ciidamada qaranka ee ka howlgala furimaha dagaalka.
Kulankaaasi waxaa dhinacyada ka qeybgalay ay ka arrinsadeen dardar galinta dagaalka al-shabaab, iyadoo Madaxweyne Xasan Sheekh oo ka hadlay kulankaasi uu xaqiijiyay sida ay dowladda uga goâan tahay la dagaalankaal-shabaabka weli ku sugan gudaha dalka.
Mudane Xassan Sheekh Maxamuud waxaa uu ku taliyay in dhallinyarada la marin habaabiyay ay ka soo laabtaan la shaqeynta kooxaha nabad-diidka ah sida uu yiri, isla markaana ay wax la qeybsadaan bulshada Soomaaliyeed ee u xusul duubaya horumarkooda.
Madaxweynaha Jamhuuriyadda Federaalka Soomaaliya waxaa markale uu shacabka ku adkeeyay in ay u midoobaan al-shabaab weli ku sugan gudaha dalka wuxuuna xusay in kooxdaas uu gabalkoodu dhacay dhowaana la soo afjarayo.
Xassan Shiikh ayaa geesiyaal u dhintay difaaca diintooda, dalkooda iyo dadkooda ku tilmaamay askartii isku dhigtay gaarigii qaraxa waday ee dhowaan degaanka Laas gacamey ku beegsaday Madaxweynaha Galmudug iyo xildhibaano ka tirsan golaha shacabka.
HOOS KA DAAWO KHUDBADA XASSAN SHIIKH OO DHAMEYSTIRAN
