Kusimaha Madaxweynaha ahna Madaxweyne kuxigeenka Galmudug Mudane Ali Dahir Eid ayaa fariin hambaliyo u diray guud ahaan shacabka Soomaaliyeed, gaar ahaan shacabka Galmudug ka dib qabashadi Saakay ee degmada Bacaadweyne
Madaxweynaha ayaa aad u soo dhoweeyey guulaha is dabajooga ah ee ciidanka xoogga dalka Soomaaliyeed iyo kuwa difaaca shacabka, waxa uuna bogaadiyay horumarka ay ka sameynayaan xoreynta dalka.
Madaxweyne Ciid ayaa ku amaanay ciidanka xooga, kuwa difaaca shacabka iyo daraawiishta Galmudug geesinimada iyo nafhuriida ay sameeyeen labadii cisho ee la soo dhaafay, si gaar ahna xoreynta Degaanada Bacaadweyne, Qeycad, Shabeelow ,Xinlibi ,Galxagare ,Hul-doonyaale ,Sargo,Qodqod iyo camaara.
Ciidanka xoogga dalka oo gacan ka helaya kuwa Daraawiishta Galmudug iyo kuwa dadka deegaanka ayaa howlgalo ay ku baacsanayaan Al Shabaab ka wasa gobolka Mudug.
