Wasiirka Gaashaandhigga xukuumadda Soomaaliya Cabdulqaadir Maxamed Nuur oo ku sugan deegaanka Ceel la-helay ee gobalka Galgaduud, ayaa ugu baaqay dadkii kunoolaa deegaannada Ceel-lahelay iyo Ceel-garas in ay dib ugu soo laabtaan.
Waxa uu sheegay wasiirka in kooxda Al Shabaab ku qasabtay in ay barakacaan dadkii kunoolaa deegaannadan oo dhawwaan laga saaray, waxa uuna sheegay in ay ka shaqeenayaan sidii dadkii qaxay dib ugu soo laaban lahaayeen guryahooda.
Wasiirka ayaa sheegay ciidanka iyo guud ahaan dowladda inay u taagantahay caawinta iyo garab istaaga dadka deegaanka oo ay dib u dhigeen kooxda Al Shabaab, waxa uuna xusay in ay ka shaqeenayaan sugida ammaanka deegaannadan laga saaray Al Shabaab.
Ciidanka dowladda Soomaaliya ayaa dhawwaan Al Shabaab ka saaray deegaannada Ceel-helay iyo Ceel-garas, waxaana deegaannadan horey uga sii qaxay dadkii kunoolaa oo dib ugu soo laaban sidii ciidanka dowladda ula wareegeen deegaannadaasi.
