Shirka todobaadlaha ah ee ay qabato hay’adda Qaran ee maareynta musiiboyinka ayaa maanta lagu qabtay magaalada Muqdisho.
Guddoomiye Hay’adda Maareynta Musiiboyinka Qaranka Soomaaliyed, mudane Mahamuud Moallim Abdulle ayaa guddoomiyey shirka oo looga hadlay u diyaar garowga xilli roobaadka soo aaddan iyo u diyaar garowga ka hor tagga duufaanta El-Nino oo laga cabsi qabo in ay saameyn ku yeelato qaybo ka mid ah goballada dalka xilli roobaadka soo socda.
Guddoomiyha Hay’adda SoDMA ayaa kulanka ku magacaabay guddi lix Xubnood ah oo ka shaqeeyn doona ka hortagga, isku xirka hay’adda iyo ka jawaabidda musiibada ElNino oo la saadaalinayo bilaha soo aaddan ee October iyo November sanadkan.
Kulanka todobadlaha ah ayaa waxaa ka soo qeyb-galay madaxda kala duwan ee hay’adda sida Guddoomiye ku xigeenka hay’adda, agaasimayaasha waaxyaha kala duwan iyo la-taliyayaasha.
