Wasaaradda arrimaha dibadda ee Faransiiska ayaa sheegtay in mid ka mid ah saraakiisheeda lagu xiray Niger oo ay militarigu maamulaan.
Qoraal ka soo baxay Wasaarada ayey ku baaqday in si degdeg ah loo sii daayo muwaadinkaas faransiiska ah oo xarigiisa ay ku sifeysay mid sharci daro ah
Wasaaraddu waxay ku sheegtay barteeda Twitter, in Stephane Jullien, lataliyaha muwaadiniinta Faransiiska ee dibadda la xiray Jimcihii la soo dhaafay, waxayna ku baaqday si degdeg ah i loo fasaxo.
Hase ahaatee militariga Niger ayaan ka hadlin xariga sarkaalkan Faransiiska ah, iyadoo arrintan ay ku soo beegantay xili labada dhinac ii xiriirkooda sii xumaanayo.
Saraakiisha militariga Niger ayaa bishii July xilka ka xayuubiyay madaxweynihii la doortay Mohamed Bazoum, kadibna waxay ku amreen saraakiisha Faransiiska inay dalka isaga baxaan, amarkaas oo Faransiisku diiday inuu dhegeysto, isagoo sheegay in taliska Niger uusan ahayn awoodda sharciga ah ee dalkaas.
