Shiikh Xasan Daahir Aweys oo ka mida ahaa saraakiisha Al-shabaab balse xabsi Guri ugu jira dowladda Federaalka ayaa ka hadlay kiiska muranka badan dhaliyay ee guurka la heyb soocay ee sababta u noqday dilkii arxan darada ahaa ee loo geystay Axmed Mukhtaar Salaad (Axmed Dowlo)
Shiikh Xasan Daahir oo muuqaal uu soo duubay baraha bulshada la soo dhigay ayaa sheegay in dilka Axmed Dowlo uu ahaa mid laga naxo oo diinta islaamka iyo dadnimada aan ku bannaaneyn, isla markaana ay ka sii xun tahay sida loo maamulay, isagoo cambaareeyay qaabka arrinta u gashay dowladda Federaalka.
Sheekha Xasan Daahir ayaa dhaliilay sida ay arrinta uga hadleen Xildhibaan iyo siyaasiyiin sheegay inay aroos qaran u dhigayaan lammaanaha sababay geerida dhacday iyadoo ay dhibaato kala dhex taallo labada Qoys ee Gabadha iyo Wiilka.
“Arrinta dhacday yaan la marin Habaabin, waxay ahayd in dilka dhacay sharciga la waafajiyo.. Waxaan leeyahay .. Gabadha Wiilka Ma dhaqmi karaan ilaa la helo laba arrimood: qeyb waa in Islaax lagu dayo, qeybna dadka Xaqa qaba in laga Gooyaa” ayuu yiri Xasan Daahir Aweys oo Qeybaha bulshada ayuu ugu baaqay in loo gurmado caruurtii uu ka tagay Marxuumka halkii aroos lagu dul sameyn lahaa.
Xafiiska Shabakada Allbanaadir.com
Muqdisho Somalia
Allbanaadir@live.com
