Ciidanka xoogga dalka Soomaaliya oo gacan ka helaya kuwa dadka deegaanka ayaa u dhaqaaqay qabashada degmada Wabxo ee gobolka Galgaduud, waxa ayna ciidankan doonayaan in ay la wareegaan deegaanno iyo degmooyin gacanta Al Shabaab ku jira.
Sida aan xogta ku heleyno ciidamo badan oo ka dhaqaaqay degmada Maxaas iyo duleedkeeda ayaa kaabiga ku haya degmada Wabxo ee gobolka Galgaduud, waxa ayna ciidamada qorsheenayaan saacadaha soo aadan in ay galaan degmadaasi.
Ciidanmada oo aad u badan kuna hubeysan hubka nuucyadiisa kala duwan ayaa qorsheenaya in degmada Wabxo ugasii gudbaan degmada Ceelbuur iyo deegaanno kale , halkaas ay ku sugan yihiin kooxda Al Shabaab.
Saraakiisha ciidanka huwanta hoggaamineysa ayaa sheegay in saacadaha soo aadan la wareegi doonaan dhul badan oo gacanta Al Shabaab ku jira, waxa ayna xuseen in markan aysan dib uga soo laaban doonin goobaha ay qabsadaan.
Ciidanka dowladda iyo kuwa deegaanka oo isbuucyo kahor la wareegay degmooyinka Ceelbuur iyo Waxbo ayaa halkaasi dib uga soo baxay, waxa ayna dowladda sheegtay in xeylad dagaal uga soo baxeen degmooyinkaasi iyo kuwa kale.
Xafiiska Shabakada Allbanaadir.com
Muqdisho Somalia
Allbanaadir@live.com
