Masuuliyiinta SSC ayaa la filayaa inay sii daayaan qaar ka mid ah maxaabiistii 25-kii bishii tagtay lagu qabtay dagaalkii ka dhacay saldhiga Goojacadde ee duleedka magaalada Laascaanood
Ilo wareedyo lagu kalsoon yahay ayaa Allbanaadir Online u sheegay in dadka la sii daynayo ay yihiin ilaa 4 maxbuus oo ay ku jiraan 2 nin oo qaba dhaawacyo halis ah.
Dadka la sii deynayo Waxaa kale oo ka mid ah labo kale oo kala ah haweenay xaas u ahayd mid ka mid ah taliyayaasha ciidanka Somaliland iyo wiil yar oo 16-jir ah oo ciidanka la joogay.
Sidoo kale waxay u badan tahay in la sii daayo maxaabiista dhaawaca ah iyadoo loo eegayo xaalad bini’aadminnimo waxaana lagu wareejinayaa heyadda laanqayrta cas ee ICRC sida ay wararku sheegayaan.
SSC ayaa gacanta ku heysa maxaabiis ka tirsab ciidanka Somaliland oo oa badan 300 oo askari, kuwaasoo sii deyntooda ay ku xiran tahay sida labada dhinac ay heshiiska uga gaaraan khilaafka adag ee ka dhex aloosan.
