War-saxaafadeed kasoo baxay dowladda Soomaaliya ayaa lagu sheegay in kooxda Al Shabaab khasaare xooggan loogu geystey weerar gaadmo ah oo ay saakay ku soo qaadeen degmada Aw-Dheegle ee Gobolka Shabeellaha Hoose.
Dowladda warka kasoo baxay ayaa lagu sheegay in howlgalka ay iska kaashadeen ciidanka dowladda iyo saaxiibada caalamka lagu dilay 60-dagaalyahan oo katirsanaa Al Shabaabkii saakay weeraray degmada Aw-dheegle.
Warka kasoo baxay dowladda ayaa lagu sheegay in Al Shabaab looga qabsaday weerarka hub iyo saanad milatari , waxa ayna dowladda sheegtay in Al Shabaab jab xooggan lagu gaarsiiyay weerarkii saakay ka dhacay Ow-dheegle.
