Ciidamada booliiska ee dalka Britain ayaa maalmihii lasoo dhaafay waday howlgalo ay ku baadigoobayeen nin dhallinyaro ahaa oo horey uga tirsanaa ciidamada dalkaasi, kaa oo dhawwaan ka baxsaday xabsi kuyaalla magaalada London.
Ninkan oo lagu magacaabo Daniel Khalife oo 21-sanno jir ah ayaa laga fadhiisiyay shaqada ciidamada uu katirsanaa, waxaana ninkan loo xiray tuhun la xariira falal argagaxisinimo iyo been abuur uu sameeyay.
Askari dhar cad mooto watay ayaa ninkan kasoo qabtay shalay oo Sabti ah deegaanka Northolt, oo 14 meyl u jirta xabsigii uu ka baxsaday askarigan, waxaana askarigan hadda lagu xiray saldhig ammaankiisa la adkeeyay.
Daniel Khalife ayaa afar maalin kahor ka baxsaday xabsiga Wandsworth ee kuyaalla magaalada London, waxaana xilligaasi waxii ka dambeeyay la adkeeyay goobaha laga safro si ninkan dalka uga baxsan.
Booliska dalka Britain ayaa horey u ballan-qaaday in lacag dhan 20,000 oo gini in la siinayo ciddii keenta xog booliiska u sahasha soo qabashada ninkan, waxaana la filayaa askarigii soo qabtay ninkan in uu helo abaal-marinta la ballan-aaday iyo dalacsiin.
