Wararka ka imaanaya deegaanka Daaru-nimca ee gobolka Shabeelaha Dhaxe ayaa sheegaya in saakay dagaalyahanno katirsan Al Shabaab weerar culus oo ku bilowday qaraxyo ku qaadeen saldhig ciidan oo kuyaalla deegaanka Daaru-nimca.
Sida aan wararka ku helnay Al Shabaab ayaa saldhig ciidanka xoogga dalka iyo kuwa dadka deegaanka ku lahaayeen deegaanka Daaru-nimca ku qaaday weerar culus oo ku bilowday qaraxyo gaadiid laga soo buuxiyay.
Qaraxyada kaddib ayaa waxaa halkaasi ka bilowday dagaal toos ah oo u dhaxeeyay ciidanka dowladda iyo kuwa Al Shabaab , waxaana halkaasi ka dhacay dagaal cuilus oo labada dhinac dhax maray kuna daateen dhiig badan.
Wararka aan heleyno ayaa sheegaya in wali dagaal u dhaxeeya ciidamada dowladda iyo kuwa deegaanka oo isku garab ah iyo kooxda Al Shababa uu ka sopcdo deegaanka Daaru-nimca, waxaana mararka qaar aaga lagu dagaallamayo laga maqlayaa qaraxyo.
War kasoo baxay Al Shabaab ayey ku sheegeen in ay cagta mariyeen fariisimihii ciidanka dowladda iyo kuwa deegaanka kaga sugnaayeen Daaru-nimca, waxa ayna Al Shabaab sheegeen in weerarka khasaaro xooggan ku gaarsiiyeen ciidanka dowladda.
Khasaaraha ka dhashay weerarkan xooggan ay Al Shabaab soo qaadeen ayaan ilaa hadda la ogeyn, waxaa sidoo war xaqiiqa ah laga heli karin aaga dagaalka oo labada dhinacba guulo ka sheeganayaan .
