Ra’iisul Wasaare Ku-xigeenka Xukuumadda Federaalka Soomaaliya Mudane Saalax Axmed Jaamac iyo masuuliyiin kale ayaa galabta ka qeyb galay dibad-bax lagu taageerayey Ciidanka Qaranka ee dagaalka kula jira al-shabaab
Shacabka ku dhaqan 17-ka degmo ee gobolka Banaadir oo isugu soo baxay barxadda Daljirka Dahsoon ayaa cod dheer ku sheegay inay barbar taagan yihiin ciidanka qalabka sida iyagoo ballan qaaday inay is abaabuli doonaan xoojinna doonaan wada-shaqaynta iyo garab istaagga Ciidanka.
Raiisul Wasaare Ku-xigeenka oo shacabka kula hadlayay faraagaraha daljirka ayaa sheegay in al-shabaab gabbalkoodii dhacay lagana adkaan doono wakhti aan fogayn.
Waxaa uu ku ammaanay maamulka Gobolka Banaadir iyo shacabka ku dhaqan caasimadda Muqdisho kaalinta muuqata ee ay ku leeyihiin taageerada halganka dalka looga xoreynayo al-shabaab.
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa isna shacabka Magaalada Muqdisho ugu baaqay iney xoojiyaan taageerada Howlgaladda dalka loogu Sifeynayo al-shabaab oo ay ciidamada xooga dalka ka wadaan guud ahaan dalka. 
