Dagaalyahanno katirsan Al Shabaab ayaa galabta weerar dhowr jiho ah ku qaaday degmada Qoryooley ee gobolka Shabeelaha Hoose, gaar ahaan fariisimo ciidanka dowladda iyo kuwa ATMIS ku lahaayeen degmadaasi.
Dagaal qaraar oo u dhaxeeyay labada dhinac ayaa ka dhacay gudaha degmada Qoryooley, waxaana dagaalka inta uu socday labada ciidan isku adeegsadeen hubka nuucyadiisa kala duwan, iyadoona shacabka magaalada xaalad adag lasoo daristay.
War kasoo baxay wasaaradda warfaafinta ayaa lagu shaaciyay in ciidanka dowladda iyo kuwa ATMIS dileen in ka badan 30-dagaalyahan oo katirsan Al Shabaab, warka ayaa sidoo kale lagu sheegay in ciidanka bur buriyeen gaadiid qaraxyo lagu soo raray.
Dagaalka xooggan ee galabta ka dhacay degmada Qoryooley ayaa wararka aan helnay sheegayaan in dad shacab ah uu kasoo gaaray khasaaro isugu jirta dhimasho iyo dhaawac, lamana oga ilaa hadda inta khasaaraha uu la egyahay.
Xafiiska Shabakada Allbanaadir.com
Muqdisho Somalia
Allbanaadir@live.com
