Dhismo dabaq ah oo kuyaalla bartamaha magaalada Johannesburg ee dalka Koonfur Afrika ayaa waxaa ka kacay dab xooggan, waxa uuna dabkan sababay khasaaro badan oo isugu jira dhimasho iyo dhaawac.
Inta la xaqiijiyay 70-qof ayaa ku dhintay dabkan ka kacay dhismaha kuyaalla magaalada Johannesburg, waxaa sidoo kale ku dhaawacmay dad kale oo ka badan 50-qof oo qaarkood dhaawacyo culus qabaan.
Waxaa socda gurmad ay fidinayaa hayádaha gurmadka magaalada Johannesburg iyo dad kale oo is-xilqaamay, waxaana laga cabsi qabaa khasaaraha dhimasho iyo midka dhaawac ay kasii bataan inta hadda la ogyahay.
Dhismaha dabku ka kacay ayaa waxaa degnaa dad badan , waxa uuna kuyaallaa goob ganacsi oo hore u ahaan jirtay xudunta dhaqaalaha ee Koonfur Afrika, lamana oga ilaa hadda waxa sababay dabkan dhimashada badan dhaliyay.
Dadka deganaa dhismahan dhibaatada xoogeedana soo gaareen ayaa wararka qaar sheegayaan in ay ahaayeen dad dan yar ah oo u badan kuwa muhaajiriin ah oo ka kala yimid waddamo Afrikan ah.
