Madaxweynaha dowlad goboleedka Galmudug mudane Axmed Cabdi Kaariye iyo masuuliyiin kale ayaa gaaray deegaanno kuyaalla inta u dhaxeysa magaalooyinka Guriceel iyo Ceelbuur ay joogaan ciidanka xoogga dalka.
Qoor Qoor waxaa safarka ku wehliyay masuuliyiin katirsan dowladda federaalka Soomaaliya uu ku jiro wasiirka gaashaandhigga, waxa ayna gaareen deegaanka Bari Ujeed ay joogaan ciidankii kasoo baxay degmada Ceelbuur.
Safarka Madaxweynaha ku tagay xadka Ceelbuur ayaa ayaa ujeedkiisa lagu sheegay u kuurgelidda xaalada deegaanadaas iyo dhiirragelinta ciidamada qalabka sida ee dhawwaan qabsaday degmada Ceelbuur.
Madaxweyne Qoor Qoor iyo masuuliyiinta la socota ayaa safarka ay ku tageen deegaanka Bari Ujeed imaanaya, xilli ciidanka dowladda iyo kuwa deegaanka ay dib uga soo baxeen degmada Ceelbuur iyo deegaanno kale ay dhawwaan ka saareen Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
