Ciidanka milatariga Soomaaliya oo gacan ka helaya kuwa dadka deegaanka ayaa goordhaw si buuxda ula wareegay degmada Ceelbuur ee gobolka Galgaduud, oo sannado badan gacanta ugu jiray kooxda Al Shabaab.
Sida aan wararka ku helnay ciidanka huwanta ah ayaa dhowr jiho ka galay degmada qadiimiga ah ee Ceelbuur, waxa ayna ciidanka hadda isku fidinayaan xaafadaha kala duwan ee degmada Ceelbuur.
Ciidanka huwanta ayaa kahor inta aysan gelin degmada Ceelbuur qarxiyay gaadiid Al Shabaab qaraxyo ku diyaariyeen , waxaana la sheegay ciidanka magaalada qabsaday in aysan la kulmin iska caabin .
Dadkii ku dhaqnaa degmada Ceelbuur ayaa gabi ahaan isaga qaxay, waxa ayna ciidanka magaalada hadda ka bilaabeen howlgalo baaritaano , iyaga oona galay xarumo Al Shabaab magaaladaasi ku lahaayeen.
