Warbaahinta caalamka ayaa baahinaya war ku saabsan in uu geeriyooday madaxii kooxda Wagner Yevgeny Prigozhin , waxaana hoggaamiyahan ku geeriyooday shil diyaaradeed oo ka dhacay dalka Ruushka.
Yevgeny Prigozhin ayaa kamid ahaa rakaab saarnaa diyaarad ku bur burtay gudaha Ruushka, waxaana diyaaradan la sheegay in ay ku dhinteen dhammaan rakaabkii saarnaa oo gaarayay 19-qof.
Diyaaradan bur burtay ayaa la arkayay iyada oo soo dhaceysa degmada Bologovsky ee gobolka Tver ee dalka Ruushka , waxaana mar qura la arkay diyaarada oo soo dhacday oo gubaneysa .
Warar soo baxaya oo laga soo xigtay xubno katirsan kooxda Wagner ayaa sheegaya in ciidamada difaaca cirka Ruushka soo rideen diyaarada uu la socday hoggaamiyaha kooxda Wagner ee calooshood u shaqeystayaasha ah.
Hoggaamiyahan geeriyooday ayaa bilo kahor qal qal galiyay madaxweynaha dalka Ruushka Vladamir Putin ,kaddib markii ay gadoodeen ciidamada Wagner ayna soo galeen qeybo kamid ah dalka Ruushka.
