Ciidamada ilaalada xudduudaha Sacuudiga ayaa lagu eedeeyay inay dad badan ku laayeen xadka dalkaasi uu la wadaago Yemen sida lagu sheegay Warbixin cusub oo ay soo saartay hay’adda u doodad xuquuqul aadanaha ee Human Rights Watch
heyaddu waxay sheegtay in boqolaal qof oo ay ka mid yihiin tahriibayaal Itoobiyaan ah kana tallaabay xadka Yemen oo ay dagaallo ka socdaan la toogtay. iyagoo doonayay inay gaaraan Sacuudiga.
Qaar ka mid ah Muhaajiriinta ayaa sheegay in ay xabaddu ka naafeysay kana goysay qaybo ka mid ah jirkooda sida lugaha, ayna arkeen meydad waddooyinka yaalla.
Boqortooyada Sacuudi Carabiya ayaa horay u diiday eedeymaha dilalkaas ka dhacay xadka Yemen oo sanadihii la soo dhaafay ahaa furun dagaal oo ay ku loolamayeen ciidamada Sacuudiga iyo kooxda Xuutiyiinta Yemen ee Iran taageerto.
