Wararka ka imaanaya magaalada Baladweyne ee xarunta gobolka Hiiraan ayaa sheegaya in maanta halkaasi uu ka dhacay dibad-baxyo rabshado watay oo looga soo horjeeday xariga ciidanka dowladda u geesteen Jeneraal Sheegow.
Dadka dibad-baxa dhigayay ayaa socod ku maray xaafado katirsan magaalada Baladweyne , waxa ayna dadkan ku qeylinayeen ereyo ay ku dalbanayeen in lasii daayo jeneraal Shoogow ay sheegeen in si sharci darro ah loo xiray.
Sida aan wararka ku helnay dibad-baxayaasha ayaa markii dambe lagu furay rasaas dhalisay khasaaro isugu jira dhimasho iyo dhaawac, waxaana halkaasi ka dhacay kala carar ay sameeyeen dadkii isku soo baxay.
Inta la xaqiijiyay hal qof ayaa ku dhintay rasaasta ciidanka ku fureen dadka dibad-baxa dhigayay , waxaa sidoo kale la sheegay in rasaasta ku dhaawacmeen labo qof oo kale oo kamid ahaa dibad-baxayaasha.
Dibad-baxan maanta ka dhacay magaalada Baledweyne ee xarunta gobolka Hiiraan ayaa imaanaya xilli magaalada Muqdisho shalay ka dhacay dibad-bax rabshado watay oo dhigayeen dad taageersan jeneraal Sheegow.
