Tiro hoobiyaal ah ayaa saakay oo Sabti ah lagu garaacay garoonka diyaaradaha Aadan Cadde ee magaalada Muqdisho, waxaana hoobiyaasha qaarkood la sheegay in ay ku dhaceen gudaha garoonka .
Dhawaqa hoobiyaasha ayaa saakay laga maqlay qeybo kamid ah magaalada Muqdisho, waxaana hoobiyaashan qal qal ka abuuray gudaha garoonka Aadan Cadde iyo sidoo kale xaafadaha ku dhaw dhaw.
Sida aan wararka ku helnay hoobiyaasha qaarkood ayaa ku dhacay meel ku dhaw garoonka Aadan Cadde, halka qaarkoodna la sheegay in meelo bannaan oo katirsan garoonka diyaaradaha ay ku dhaceen.
Labo qof oo shacab ah ayaa ku dhaawacantay hoobiye ku dhacay meel ku dhaw garoonka Aadan Cadde, waxaana dadka dhaawacyada soo gaareen loola cararay laguna daweenayaa xarun caafimaad oo kutaalla Muqdisho.
Kooxda Al Shabaab ayaa mararka qaar hoobiyaal kusoo tuurta xarunta madaxtooyada Soomaaliya iyo garoonka Aadan Cadde, hoobiyaasha qaarkood oo ku dhaca xaafado shacab degan yihiin ayaa dhaliya khasaaro nafeed oo shacabka soo gaara.
