Muslimiin ka carreesan xad-gudub lagula kacay nuqulo kamid ah kutaabka Qur’aanka Kariimka ayaa dab qabadsiiyay kaniisado iyo guryo badan oo kuyaalla magaalada Jaranwala ee dalka Pakistan.
Labo nin oo masiixiyiin ayaa la sheegay in gudaha dalka Pakistan ku jeex jeexeen bogag kutaab Qur’aan, waxaana falkaasi ka dhashay carro xooggan oo sababtay in la gubo kaniisado iyo guryo ay degan yihiin dad u badan masiixiyiin.
Kaniisadaha la gubay ayaa waxaa ku jira kaniisada taariikhi ah ee Salvation Army, waxaana kaniisadaasi la sheegay in wali qeybo kamid ah qiiqeyso, waxaana socda dadaalo ciidamada dab-damiska ku daminayaan.
Ciidamada ammaanka dalka Pakistan ayaa xabsiga dhigay in ka badan 100-qof oo lagu eedeeyay in ay qeyb ka yihiin rabshdaha lagu gubay kaniisadaha iyo guryaha, waxa ayna ciidamada wadaan dedaalo ay uga hortagyaan rabshado kale.
