Wasaaradda Waxbarashada xukuumadda Soomaaliya ayaa isbadal cusub ku sameesay nidaamka waxbarashada ee Jaamacadaha dalka gaar ahaan sanadaha iyo maadooyinka lagu dhigto.
Qoraal kasoo baxay wasiirka waxbarashada ayaa lagu shaaciyay in laga billaabo sannad-dugsiyeedka 2023/2024, dhammaan ardayda doonaysa inay galaan tacliin jaamacadeed laga rabo inay maraan hal sano oo waxbarasho asaasi ah (Foundation Year).
Maaddooyinka lagu dhigayo Sannadka Waxbarashada e asaasiga ah, waa inuu ka mid noqdaa Afka Soomaaliga oo ay ku jiraan suugaanta, dhaqanka yo taariikhda), Afafka Carabiga iyo Ingiriiska (ama luqadda uu ardayga ku qaadan doono waxbarashadiisa jaamacadeed), Daraasaadka Islaamka (Fahamka guud iyo akhlaaqda Islaamka), Xirfadaha Habqoraalka Akadeemigga ah, Xirfadaha Xallinta khilaafaadka, Xiriirka Bulshada iyo Hab-fekerka Naqdineed (Critical Thinking).
