Ciidamada Somaliland ayaa galabta madaafiic ku garaacay qeybo ka mid ah magaalada Laascaanood ee gobolka Sool oo mudooyin aheyd goob colaadeed.
Duqeymaha ayaa ciidamada Somaliland waxay u adeegsanayeen hoobiyeyaal iyo madaafiicda waaweyn iyagoo la beegsaday goobaha dadka rayidka ah sida ay sheegeen dad goob joogayaal ah.
Khasaare iskugu jira dhimasho iyo dhaawac ayaa la soo sheegayaa iney geysteen duqeyntan inkastoo aan faahfaahin laga heli karin.
Dadka ku naf waayey Madaafiicdaas ayaa waxaa ka mid ah abwaan Jaamac Kediye oo ka tirsanaa abwaanada Soomaaliyeed ee caanka ah.
Geerida abwaan Jaamac Kediye oo si weyn looga naxay ayaa si weyn looga hadal hayaa baraha bulshada, welina geeridiisa kama hadlin Maamulka SSC iyo kan Somaliland.
