Allbanaadir.com
NEWS

Masaajid kuyaalla magaalada Dhuusomareeb oo la gubay iyo baaritaano socda (Sawirro)

Wararka ka imaanaya magaalada Dhuusomareeb ee xarunta maamulka Galmudug ayaa sheegaya in xalay dab la qabad-siiyay masaajid kuyaalla magaaladaasi, waxaana hadda socda baaritaano lagu ogaanayo dadkii ka dambeeyay gubitaanka masaajidka.

Masaajidka la gubay ayaa kuyaallay xaafada Horseed ee magaalada Dhuusomareeb, waxaana masjidka la sheegay in ay gubeen kooxo aan wali heebtooda la garan, waxaana falkan aad u cambaareeyay jameecada masjidka iyo culimadii maamuleysay.

Dabka ayaa baabiíayay gogoshii masaajidka goglaneyd ee lagu dukanayay, waxaa sidoo kale dabka uu gubay kutubo Quráan oo masaajidka dhax taalay, lamana oga ilaa hadda cidda falkaasi ka dambeysay.

Jameecada masaajidka ayaa sheegay in aysan wali ogeyn sababta masaajidka loo gubay , waxa ayna sheegeen in horey ula kulmeyn hanjabaadyo kala duwan, waxaana masjidkan gacanta ku hayay culimo katirsan dariiqada Axmadiyadda.

Ciidamada booliiska magaalada Dhuusomareeb oo falkan lagu war-galiyay ayaa sheegay in ay wadaan baaritaano ku aadan sababta gubitaanka masjidka, waxa ayna xuseen haddii ay jiraan dad falkaasi geestay gacanta kusoo dhigi doonaan.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Ninkii dilay Taliyihii Ilalaada Garoonka Diyaaradaha Boosaaso oo xukun dil ah lagu fuliyay

Cabdi Cade

(Sawirro) Maxay ka wada hadleen Wasiirka Gaashaandhiga Soomaaliya iyo danjiraha EU?

Caydiid Ali

Sacuudiga oo Xayiraad dhinaca Duulimaadka kusoo rogay Dalal Soomaaliya ku jirto

Cabdi Cade
Taboola Ads ---