Madaxweynaha Dowladda Puntland Mudane Siciid Cabdullaahi Deni, ayaa Qasriga Madaxtooyada ee Garoowe maanta ku qaabilay La-taliyaha Dimuqraadiyadda iyo Xuquuqul Iinsaanka Wasaaradda Arrimaha Dibedda Maraykanka, Mudane Xamse Warfaa oo booqasho ku tagay Puntland.
Kulanka waxaa ka qeybgalay Madaxweyne Ku-xigeenka Dowladda Puntland Mudane Axmed Cilmi Cismaan Karaash.
Deni ayaa masuulkan warbixin ka siiyey xaalada guud ee Puntland gaar ahaan dhinacyada, dhaqaalaha, amniga, siyaasada, doorashooyinka iyo arrimaha bulshada.
Xamse Warfaa ayaa ku amaanay maamulka Puntland amaanka iyo horumarka ballaaran ee ka jira degaanada hoos taga.
Waxaa uu xusay in dowlada Mareykanku ay mar walba garab taagan tahay fiiro gaar ahna u leedahay taageerada degaanada nabdoon ee Somalia, isagoo dhinaca kale ka mahad celiyey sida diiran ee loo dhoweeyey.
