Tiro badan oo ka tirsan ciiddanka shirkadda khaaska ee milliteriga ee PMC Wagner oo ku sugnaa dalka Belarus ayaa la sheegay inay dib ugu soo laabanayaan dalka Raashiya, sababo la xiriira fashil ku yimid heshiiskii dalkaasi loogu daad-gureeyey.
Ilo-wareedyo ayaa sheegay in ilaa 600 oo ka tirsan kooxda Wagner ay Talaadadii la soo dhaafay Basas ka soo raaceen dalka Belarus, iyagoo soo gaaray goballadda galbeedka dalka Raashiya oo qaarkooda u dhow caasimadda Moscow.
Tiro kale oo kooxda Wagner ayaa la filayaa in .aalinta Axadda ka soo laabtaan xerooyinka ay ka xaar xaarteen gudaha dalka Belarus.
Ilaa 5,000 oo ka tirsan kooxda Wagner ayaa horey u tegay dalkaasi, kadib, heshiis laga gaaray gadoodkii kooxdaasi sameeyeen bishii June 24-dii ee sanadkan 2023-ka.
Warbixin uu soo saaray Machadka Cilmi-baarista dagaalka (The Institute for the Study of War) ayaa lagu xusay geediga mooxda Wagner ee dalka Belarus la geeyey, kadib, markii heshiis la dhex dhigay madaxweynaha Raashiya, Vladimir Putin iyo madaxa kooxda PMC Wagner, Yevgeny Prigozhin.
Ilo-wareedyo ka tirsan kooxda Wagner ayaa sheegay inuu soo ambabaxooda u sabab tahay, kadib, markii uu Madaxweynaha dalka Belarus, Alexander shaaca ka qaaday inaysan dowladda Raashiya maalgelin doonin Kooxda Wagner ee Calooshood-u-shaqaystayaasha, halka aysan dowladda Belarus dhabarka u dhigan karin kharajkooda.
Machadka cilmi-baarista ee ISW waxay kaloo ka soo xigteen Ilo-wareedyo kooxdaasi inay suurtogal tahay inay amaro cusub soo bixi karaan xilli kasta, iyadoo inta badan ciiddanka Wagner la hawl gelin doono dabayaaqada bishan August.
Madaxa looxda Wagner, Yevgeny Prigozhin waxa uu dabayaaqadii bishii hore ee July Shirkii madaxda Afrika iyo Raashiya oo lagu qabtay magaalladda St. Petersburg, iyadoo uu ka codsaday Madaxweyne Putin inuu u daayo xilka madaxa kooxda PMC Wagner oo uusan kala qeybinin.
Si kastaba, Madaxweyne Putin waxa uu weli cabsi xoogan oo Hadafkiisa muddada dheer ka qabaa madaxa kooxdaasi oo isaga ay daacad u yihiin inta badan ciiddanka kooxda Wagner
W/Q Ustaad Nuradin Abuukar
