Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo ay weheliyo Guddoomiye Ku-xigeenka Koowaad ee Golaha Shacabka Marwo Sacdiyo Yaasiin Xaaji Samatar, ayaa maanta shir guddoomiyay kulanka 27-aad Guddiga Joogtada ah ee Golaha Shacabka.
Kulanka maanta oo Ajandihiisu ahaa warbxinta Guddoomiyaha Golaha Shacabka BJFS, soo bandhigista inta ka harsan kalfadhiga seddaxaad Golaha Shacabka oo waxbadan u qabsoomay.
Sidoo kale waxaa la qeybiyay warbixinta seddexda guddi ee kala ah, Guddiga Garsoorka, Awqaafta iyo Arrimaha Diinta, Guddiga Horumarinta Adeega Bulshada, iyo Guddiga Xuquuqul Insaanka, Haweenka iyo Arrimaha Bini’aadanimada, kuna saabsan kormeeridda Xabsiga Dhexe ee Xamar oo Xildhibaannada guuddiga kormeereen maxaabiista ku xiran xabsiga, iyagoo u kuur galay nolosha caafimaadka maxaabiista.
Ugu dambeyn kulanka waxaa lagu ajendeeyay hindise sharciyeeydyada ka yimid Xukuumadda, waxaa la isla qaatay in la dardargaliyo howlaha horyaala Golaha Shacabka inta ka dhiman Kalfadhiga Golaha Shacabka Baarlamaanka Jamhuuriyadda Federaalka Soomaaliya.
