Ciidanka milatariga Soomaaliya iyo kuwa deegaanka ee ku sugan degmada Baxdo ee gobolka Galgaduud, ayaa waxaa isku soo dhiibay nin dhaqtar ah oo katirsanaa dagaalyahananda Al Shabaab ee ku sugan gobolka Galgaduud.
Ninkan oo lagu magacaabo Cabdi Cabdullaahi ayaa sheegay in uu muddo sannado ah katirsanaa kooxda Al Shabaab, waxa uu sheegay in Al Shabaab u qaabilsanaa daaweynta dagaalyahannda dhaawacyada soo gaaraan iyo la socodka xaaladooda.
Waxa uu sheegay ninkan in uu goáansaday in uu isaga soo baxo kooxda Al Shabaab uu lix sanno katirsanaa, waxa uuna xusay in Al Shabaab dagaalka ay ku jiraan uusan aheyn jihaad ayna caadeesteyn dilka dadka shacabka ah.
Dhawwaan ayaa sidan oo kale ciidamada dowladda usoo bandhigeen dagaalyahanno katirsanaa Al Shabaab oo kasoo goostay kooxdaasi iskuna soo dhiibay ciidanka dowladda ee ku sugan deegaanno katirsan gobolka Galgaduud.
