Allbanaadir.com
NEWS

Nin sixir iyo turufo kula seexday haween badan kana duubay Muuqaalo oo xukun lagu riday

Maxkamadda gobolka Banaadir ayaa maanta xukun xabsi ah ku riday nin oday ah oo lagu eedeeyay in sixir iyo turufo uu adeegsaday kula saxiidday haween badan oo qaarkood la qabo ,kaddibna ka duubay muuqaalo anshax-xumo ah.

Ciidamada booliiska ayaa gacanta kusoo dhigay ninkan oo lagu magacaabi Abuukar Maxamed Xasan (Shooble) oo ah 52-sanno jir isaga oo ku dhax jira gogol dhaaf iyo xumaan uu u adeegsaday sixir iyo turufo.

Ninkan ayaa maxkamadda gobolka Banaadir baaris dheer kaddib ku heshay in uu galay saddex kamid ah dambiyada lagu soo eedeeyay oo ay kamid ahaayeen in uu adeegsaday sixir iyo turufo uuna la seexday haween la qabo kana duubay qaarkood muuqaalo.

Ninkan ayaana maxkamadda horteeda ka qirtay in uu geestay dambiyada qaar ee lagu soo eedeeyay, waxa uuna sidoo kale ninkan sheegay in haweenka uu la seexday qaarkood ka duubay muuqaalo anshax-xumo ah sida iyaga oo qaawan.

Xafiiska xeer ilaalinta ayaa Shooble kusoo eedeeysay in uu si gaar ah u beegsan jiray dadka dhibanayasaha ah ee muuqaaladooda lagu baahiyo baraha bulshada, waxaa sidoo kale lagu eedeeyay isaga oo sixir adeegsanaya in uu la seexan jiray haween la qabo.

Guddoomiyaha maxkamadda gobolka Banaadir Saalax Cali Dabaan ayaa ugu dambeyn ninkan ku helay saddex dambi, waxa uuna ku riday xukun toban sanno oo xabsi ah oo ka dhalatay saddexda dambi ee maxkamadda ku heshay.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Taliyaha Ciidanka Xoogga dalka oo War ka soo saaray dadkii lagu laayey degaanka Gololey

Caydiid Ali

Weerar Bambaano oo lagu qaaday guri lagu caweeyo oo kuyaala Muqdisho

Cabdi Cade

Wasiirro katirsan Xisbiga Daljir oo xilka laga qaadayo iyo Sababta keentay

Cabdi Cade
Taboola Ads ---