Guddoomiyaha golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur ( Madoobe ) oo ay wehliyaan ku-xigeenadiisa ayaa maanta kulan la qaatay guddoonka Golaha Aqalka Sare ee BJFS.
Kulanka Guddoonka labada aqal ayaa looga hadlay xoojinta wada-shaqeynta labada gole ee Baarlamaanka dalka, habraaca dib u eegista dastuurka KMG ah ee JFS iyo arrimaha hortabinta u leh shaqooyinka Baarlamaanka 11-aad ee JFS.
Guddoonka labada Aqal Baarlamaanka Federaalka ayaa isla gartay dardar-gelinta howlaha horyaalla baarlamaanka, gaar ahaan dib u eegista Dastuurka lagu sameenayo.
Baarlamaanka labada Aqal ayaa meel mariyay hindise sharciyeedyo kala duwan, waxaana hadda baarlamaanka horyaala wax ka bedel lagu sameenayo Dastuurka dalka u yaalla.
