Guddoomiyaha Gobolka Banaadir Mudane Yuusuf Xuseen Jimcaale (Madaale) ayaa shir guddoomiyay shirka madasha xiriirinta gargaarka ee Gobaalka Banaadir, oo soo aggaasintay waaxda gargaarka iyo maareynta musiibooyinka gobolka Banaadir.
Shirkan ayaa ujeedkiisu ahaa isla xisaabtan la xariira in sharciga lala tiigsan doono hey’addaaha iyo shaqsiyaadka ka macaasha deeqaha gargaarka ah ee loogu talagalay in lagu taageero dadka barakacayaasha ah iyo kuwa danta yar ee kunool degmooyinka gobolka Banaadir.
Aggaasimaha waaxda gargaarka iyo maareynta musiibooyinka gobalka Banaadir Mudane Muxudiin Maxamuud Cabdullahi ( Oogle) waxa uu tilmaamay in waaxda ay diyaarisay nidaam daah-furan oo u baahan in la dhaqan-galiyo islamarkaana fududeyn doono ka hortaga musuqa gargaarka la xariira.
Guddoomiyaha gobolka Banaadir ahna Duqa magaalada Muqdisho Mudane Yuusuf Xuseen Jimcaale (Madaale) ayaa digniina adag u diray dalaaleyda iyo shaqsiyaadka ka macaasha deeqaaha gargaarka ah ee loogu talagalay dadka Barakacayaasha
