Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xafiiskiisa ku qaabilay Danjiraha Dowladda UK u fadhiya Soomaaliya, Mike Nithavrianakis.
Waxay ka wada hadleen sii xoojinta xiriirka iyo iskaashiga ka dhaxeeya labada dal sida lagu sheegay qoraal ka soo baxay xafiiska RW Xamsa
Ra’iisul Wasaaraha ayaa Danjiraha la wadaagay qorshaha Xukuumadda ee ku wajahan dib u xoreynta dalka, taageerada loogu baahan yahay barnaamijka xasillinta deegaannada laga xoreeyo al-shabaab.
Sidoo kale labada masuul ayaa isla soo qaaday dardar-galinta mashruucyada horumarineed ee UK ay ka taageerto Soomaaliya ee dhinacyada horumarinta, gargaarka iyo amniga.
Dowladda UK ayaa ka mid ah dalalka deeqda bixiya ee sida weyn u taageera dowlada Soomaaliya gaar ahaan dhinacyada, amaanka, dhaqaalaha iyo horumarinta.
