Waxaa saakay xaafad ku dhaw saldhiga degmada Yaqshiid ee gobolka Banaadir lagu arkay meydka wiil dhalinyaro ah oo la dilay, waxaana goobta meydka lagu arkay isugu soo baxay dadweyne badan.
Ciidamo katirsan booliiska Soomaaliya ayaa gaaray halka uu yaalo meydka ninkan dhalinyarada ah, waxa ayna ciidamada halkaasi ka sameeyeen baaritaano la xariira ruuxaasi la dilay waxa uu ahaa iyo cida dishay.
Warar soo baxaya ayaa sheegaya in ninka dhalinyarada ah ee la dilay uu u dhacay guri uu degnaa nin askari ah sidaasna lagu dilay, waxaana meydka ninkan lasoo dhigay banaanka guriga lagu dhax dilay.
Dadweyne badan oo ka kala yimid xaafado katirsan degmada Yaqshiid ayaa isugu soo baxay goobta meydka lagu arkay, waxa ayna dadku aad u hadal hayeen ulana yaabanayeen dhacdadan.
Magaalada Muqdisho maalmihii lasoo dhaafay waxaa kusoo kordhayay dilal iyo dhacdooyin kale oo argagax leh, arimaha oo dhan ayaa dhacaya xili uu sii xumaanayo amaanka magaalada Muqdisho.
Â
Xafiiska Shabakada Allbanaadir.com
Muqdisho Somalia
Allbanaadir@live.com
