Guddiga Amniga iyo Difaaca Aqalka Sare ee BJFS oo gudanaya waajibaadka ka saran kor joogtaynta iyo la xisaabtanka Hay’adaha Dowladd, ayaa maanta xafiiskooda ugu yeeray Wasiirka Wasaaradda Gaashaandhigga XFS Mudane Cabdulqaadir Nuur iyo Cabdifitaax Qaasim Wasiir ku xigeenka Wasaaraddaas, si ay su’aalo uga waydiiyaan howlaha Wasaaradda.
Kulanka oo ku bilowday isbarasho guud ayaa masuuliyiinta Wasaaradda Gaashaandhigga wax laga waydiiyay warbixin guud oo ku saabsan howlaha Wasaaradd, halka ay marayaan howlgallada Dalka looga xoraynayo al-shabaab, guulaha laga gaaray wejigii koowaad, qalabka iyo Tababarrada Ciidamada, weerarkii kulliyadda Jaale Siyaad iyo su’aalo kale.
Wasiirka iyo Wasiir ku xigeenka ayaa si faahfaahsan xubnaha Guddiga warbixin uga siiyay ugana jawaabay su’aalihii ay weydiiyeen.
Guddoomiyaha Guddiga Amniga iyo Difaaca Aqalka Sare Senator Adam Abdinasir oo kulanka Shir gudoominayay ayaa Massuliyiinta Wasaaradda Gaashaandhigga uga mahad celiyay sida hufan oo ay warbixinta uga siiyeen howlaha Wasaaradda iyo su’aalihii kalaba.
